Në mbrëmjen e sotme, Lidhja Demokratike e Kosovës (LDK) shënoi zyrtarisht fillimin e rrugëtimit të ri zgjedhor për Prishtinën, duke shpallur rikandidimin e Përparim Ramës për një mandat të dytë si kryetar i Komunës së Prishtinës.

Në ceremoninë që u mbajt në parkun e Gërmisë, kryetari i LDK-së Lumir Abdixhiku vlerësoi përparimin e arritur gjatë katër viteve të fundit dhe theksoi se rikandidimi i Ramës bazohet në vepra të prekshme, jo në premtime boshe, transmeton Arbresh.info

“Katër vite më parë e nisëm si të panjohur, sot kthehemi me vepra, me projekte, me vizion, me zemër të hapur dhe me duar të pastra.
Gërmia u mbush me qytetarë të çdo moshe, që dëshmuan se ndryshimi nuk është më shpresë – është realitet. Është përparimi që e shohim në projekte të mëdha infrastrukturore që nuk bllokohen dot; në shkolla me mësim tërëditor për fëmijët e Prishtinës – tani model për secilin qytet tjetër dhe në rajon; në planifikim urban me sheshe e shëtitore që i japin shpirtë dhe identitet Prishtinës: në transformim të sigurisë dhe shërbimeve”, ka shkruar Abdixhiku në Facebook./Arbresh.info